بنگلادیش پریمیئر لیگ کے لیے 9 قومی کرکٹرز کو این او سی جاری کر دیے گئے، ان قومی کرکٹرز میں محمد نواز، فہیم اشرف اور صاحبزادہ فرحان شامل ہیں ۔
لاہور: پاکستان کرکٹ بورڈ (پی سی بی) نے اب تک کی این او سی فہرست اپ ڈیٹ کر دی ہے۔ بی پی ایل کے لیے قومی کرکٹرز کو 23 جنوری 2026 تک این او سی جاری کیے گئے ہیں ۔
بی پی ایل کیلئے جن قومی کرکٹر کو این او سی جاری کئے گئے ان کرکٹرز میں تین بڑے نام محمد نواز، فہیم اشرف اور صاحبزادہ فرحان شامل ہیں ۔
اس کے علاوہ حسین طلعت، احسان اللّٰہ، حیدر علی، ابرار احمد، خواجہ نافع اور سلمان ارشاد کو این او سی جاری کیا گیا ہے ۔
بنگلادیش پریمیئر لیگ 26 دسمبر سے 24 جنوری تک کھیلی جانی ہے ۔
