پشاور میں پاکستان کے خلاف بیان دینے والے افغان شہری کو گرفتار کر لیا گیا ہے۔ پولیس کے مطابق افغان شہری شاہ نواز کی پاکستان مخالف بیان کی ویڈیو سوشل میڈیا پر وائرل ہوئی تھی۔
پولیس کا کہنا ہے کہ ملزم کو داؤدزئی کے علاقے خزانہ مہاجر کیمپ سے گرفتار کیا گیا۔ ابتدائی تفتیش کے دوران افغان شہری نے پاکستان مخالف بیان دینے کا اعتراف کیا اور اپنے عمل پر معافی بھی مانگی ہے۔
پولیس کے مطابق قانونی کارروائی مکمل کرنے کے بعد ملزم کو افغانستان ڈی پورٹ کیا جائے گا۔
یاد رہے کہ پاکستان میں یکم اپریل 2025 سے غیر قانونی طور پر مقیم افغان شہریوں کے خلاف آپریشن جاری ہے، جس کے تحت اب تک لاکھوں افغان باشندوں کو وطن واپس بھیجا جا چکا ہے۔
