پشاور (حسن علی شاہ) پاکستان کی معروف پشتو فلم "یوسف خان شیربانو” کے ڈائریکٹر، پروڈیوسر اور لکھاری عزیز تبسم نے اخبار خیبر سے گفتگو میں کہا ہے کہ وہ خودمختار ساوی کے ذریعے معاشرے کے سفید پوش اور محتاج افراد کی خدمت کو عالمی سطح پر پہنچانے کے لیے عملی اقدامات اٹھائیں گے۔
عزیز تبسم نے اپنے مداحوں اور ہم وطنوں سے اپیل کی کہ وہ عطیات کے ذریعے محتاج اور یتیموں کی زندگی بہتر بنانے میں مدد کریں۔ ان کا کہنا تھا کہ مہنگائی اور کرپشن نے عام آدمی کی زندگی اجیرن کر دی ہے اور بے شمار بیوائیں، یتیم اور مزدور آج بنیادی ضروریات زندگی کے لیے محتاج ہیں۔
تبسم نے مزید کہا کہ خودمختار ساوی کے ساتھ مل کر ان افراد کی مدد کرنا ہمارا دینی اور اخلاقی فرض ہے اور ہر فرد کو چاہیے کہ اس نیک کام میں اپنا حصہ ڈالے تاکہ معاشرے کے کمزور طبقے کی زندگی میں بہتری لائی جا سکے۔
