پشاور (خصوصی رپورٹر) — خیبر نیوز پشاور سنٹر میں ماہ صیام کے دوران توجہ طلب اور دینی معلومات پر مبنی پروگرام "میاشتِ د برکتونو” نشر کیا جا رہا ہے۔ یہ پروگرام ہفتے میں تین دن نشر ہوتا ہے اور نوجوان قاری صاحبان خوش آواز نعت خوانی، تلاوت قرآن اور اس کا ترجمہ و تفسیر پیش کرتے ہیں۔
پروگرام کے میزبان آمین مشال اور ماریہ خان ہیں جبکہ ممتاز نوجوان اسلامی سکالر ڈاکٹر فیاض قرآن و سنت کی روشنی میں نوجوان نسل کو دینی اور شرعی امور پر مستند معلومات فراہم کرتے ہیں۔
اس شو میں کوکنگ سگمنٹ بھی شامل ہے جہاں شیف افطار اور ڈنر کے لیے آسان اور کم خرچ پکوان کی تراکیب عملی طور پر ناظرین کو دکھاتے ہیں۔ "میاشتِ برکتوں” شہری اور دیہی علاقوں میں باقاعدگی سے دیکھا جا رہا ہے اور رمضان کی روح کو عام کرنے میں اہم کردار ادا کر رہا ہے۔
