پشاور (خصوصی رپورٹر) — خیبر ٹیلی ویژن پشاور مرکز ماہ رمضان کے حوالے سے عوامی روڈ شو "پیخاور خو پیخاور دے کنہ” پیش کر رہا ہے، جس کے پروڈیوسر اور میزبان ملک حسنین ہیں۔
اس عوامی روڈ شو میں افطاری کے بعد پشاور کے مختلف علاقوں میں رونقیں اور دلچسپ سرگرمیاں دکھائی جاتی ہیں۔ گلیوں، کوچوں اور بازاروں میں منچلوں کی گپ شپ، قہوہ خانوں میں یاروں کی محفلیں اور شہریوں کے دلچسپ ردعمل ناظرین کے لیے پیش کیے جاتے ہیں۔
اندرون شہر کے علاقوں جیسے کریم پورہ، مینا بازار، نشتر آباد، گلبہار، ہشت نگری، چوک شادی پیر اور بازارکلاں میں خریداروں کا ہجوم اور روزمرہ کے دلچسپ مناظر بھی شو میں دکھائے جاتے ہیں۔ ناظرین اس شو کے ذریعے پشاور کی رمضان کی رونقیں اور شہریوں کی دلچسپ مصروفیات دیکھ رہے ہیں۔
