وزیراعظم شہباز شریف مختصر دورے پر سعودی عرب پہنچ گئے، وزیراعظم سعودی عرب میں چند گھنٹے قیام کریں گے، سعودی ولی عہد محمد بن سلمان سے اہم ملاقات بھی کریں گے ۔
اسلام آباد: وزیراعظم آفس کے اعلامیہ کے مطابق وزیراعظم شہبازشریف سعودی ولی عہد سے اہم ملاقات کے بعد وطن واپس روانہ ہو جائیں گے ۔
وزیراعظم کا جدہ کے بین الاقوامی ہوائی اڈے کے رائل ٹرمینل پر مکہ ریجن کے ڈپٹی گورنر نے استقبال کیا، ریاض میں پاکستانی سفیر احمد فاروق اور دیگر سفارتی عملہ بھی وزیراعظم کے استقبال کےلیے موجود تھا ۔
اعلامیہ میں کہا گیا کہ وزیر اعظم اور سعودی ولی عہد کے درمیان ملاقات میں خطے کی موجودہ صورتحال، علاقائی سلامتی اور دو طرفہ تعلقات پر تفصیلی بات چیت ہو گی ۔
