اسلام آباد: نائب وزیرِ اعظم و وزیر خارجہ محمد اسحاق ڈار ایک روزہ دورے پر چینپہنچ گئے۔ وہ یہ دورہ چین کے وزیر خارجہ وانگ یی کی دعوت پر کر رہے ہیں۔
ترجمان دفتر خارجہ کے مطابق دورے کے دوران دونوں رہنما پاکستان اور چین کے درمیان دوطرفہ تعلقات کا جامع جائزہ لیں گے، جبکہ علاقائی اور عالمی امور پر بھی تبادلہ خیال کیا جائے گا۔
ترجمان نے مزید بتایا کہ رواں سال کے دوران بیجنگ کا یہ نائب وزیرِ اعظم اسحاق ڈار کا دوسرا دورہ ہے جو دونوں ممالک کے درمیان قریبی سفارتی روابط کا عکاس ہے۔
