نائب وزیر اعظم و وزیر خارجہ سینیٹر محمد اسحاق ڈار نے ترکیہ کے وزیر خارجہ حقان فیدان سے ٹیلیفونک رابطہ کیا ہے۔
ترک وزیر خارجہ حقان فیدان نے حالیہ دورہ پاکستان کے دوران اسلام آباد میں چار ممالک کے وزرائے خارجہ کے اجلاس کے موقع پر دی گئی میزبانی کو سراہا۔ دونوں رہنماؤں نے پاکستان اور ترکیہ کے درمیان دوطرفہ تعلقات کی مضبوطی کا اعادہ کیا اور باہمی روابط کو مزید فروغ دینے کے لیے قریبی رابطے میں رہنے پر اتفاق کیا ہے۔
