پشاور (حسن علی شاہ) خیبر نیوز سے اسلام آباد اور پشاور سے نشر ہونے والے مختلف ٹاک شوز، جن میں دیدہ و خت خبریں، انسائٹ، کراس ٹاک اور بارڈر فائل شامل ہیں، ناظرین میں خاصی مقبولیت حاصل کر رہے ہیں۔ ان پروگراموں میں حالاتِ حاضرہ کے تناظر میں ملکی اور عالمی سیاسی، معاشی اور جنگی صورتحال کا تفصیلی جائزہ پیش کیا جاتا ہے۔
یہ امر قابل ذکر ہے کہ ان ٹاک شوز میں وقتاً فوقتاً حالات کے مطابق تبدیلیاں کی جاتی ہیں تاکہ پروگرام کو مزید مؤثر اور معلوماتی بنایا جا سکے۔ اس کے علاوہ غیر جانبداری کو یقینی بنایا جاتا ہے اور نیوز بلیٹن میں صرف مستند اور مصدقہ خبروں کو ترجیح دی جاتی ہے۔
خیبر نیوز کا مشہور ٹاک شو "مرکہ” طویل عرصے سے پاکستان سمیت متحدہ عرب امارات، افغانستان، سعودی عرب، قطر اور کویت سمیت دیگر ممالک میں دیکھا جا رہا ہے۔ اب اس پروگرام کی میزبانی معروف صحافی اور تجزیہ نگار مبارک علی کر رہے ہیں، جو کسی تعارف کے محتاج نہیں۔
پروگرام میں حالیہ عالمی صورتحال، خصوصاً امریکہ اور اسرائیل کی ایران کے خلاف کارروائیوں، ایران کی جوابی حکمت عملی، مشرق وسطیٰ میں کشیدگی، آبنائے ہرمز کی صورتحال اور خطے میں جاری تنازع کے خاتمے کے لیے پاکستان کے ممکنہ کردار پر تفصیلی گفتگو کی جاتی ہے۔ یہ تمام اہم موضوعات "مرکہ ود مبارک علی” میں زیر بحث لائے جاتے ہیں۔
