پاکستان کے نائب وزیر اعظم محمد اسحاق ڈار اور یورپین یونین کی اعلیٰ نمائندہ کاجا کالس کے مابین ٹیلیفونک رابطہ ہوا ہے۔
ترجمان دفتر خارجہ کے مطابق نائب وزیراعظم محمد اسحاق ڈار نے دیرپا امن کے حصول کے لئے مکالمے اور سفارتکاری کے فروغ میں پاکستان کی مسلسل کوششوں کو اجاگر کیا۔ کاجا کالس نے نائب وزیراعظم کی کوششوں کوسراہا اور سفارتکاری کے لئے سازگار ماحول پیدا کرنے، بالخصوص فریقین کے درمیان ابتدائی جنگ بندی کو یقینی بنانے میں پاکستان کے کردار کی تعریف کی۔
