پشاور (خصوصی رپورٹر) ممتاز عالم دین قاری بہادر نے اخبار خیبر سے گفتگو کرتے ہوئے کہا ہے کہ خیبر ٹیلی ویژن نیٹ ورک نہ صرف اردو، پشتو اور دیگر علاقائی زبانوں میں معیاری اور معلوماتی پروگرام پیش کر رہا ہے بلکہ دینی و اخلاقی آگاہی کے فروغ میں بھی اہم کردار ادا کر رہا ہے۔
ان کا کہنا تھا کہ خیبر ٹیلی ویژن، خیبر نیوز اور کے ٹو ٹی وی پر قومی و مذہبی تہواروں کے موقع پر خصوصی نشریات کا باقاعدہ اہتمام کیا جاتا ہے جس سے عوام کو دین اسلام کی تعلیمات اور اہم مذہبی مواقع کے بارے میں رہنمائی ملتی ہے۔
قاری بہادر نے بتایا کہ یوم عاشور، بارہ ربیع الاول، محرم الحرام اور ماہِ رمضان المبارک کے دوران خصوصی پروگرام نشر کیے جاتے ہیں اور یہ سلسلہ سال 2004 سے مسلسل جاری ہے۔ ان پروگراموں کو ملک بھر کے دینی حلقوں میں قدر کی نگاہ سے دیکھا جاتا ہے اور انہیں ایک مثبت اور تعمیری اقدام قرار دیا جاتا ہے۔
