اسلام آباد: وزیراعظم محمد شہباز شریف اور قطر کے وزیراعظم و وزیر خارجہ شیخ محمد بن عبدالرحمن بن جاسم الثانی کے درمیان ٹیلیفونک گفتگو ہوئی۔
بات چیت میں خطے کی موجودہ صورتحال پر تفصیلی تبادلۂ خیال کیا گیا۔
فریقین نے خطے میں پائیدار امن کے لیے جاری سفارتی کوششوں کو آگے بڑھانے کے عزم کا اعادہ کیا۔
وزیراعظم نے کہا کہ پاکستان کے عوام امیرِ قطر کے جلد پاکستان کے دورے کے منتظر ہیں۔
قطر کے وزیراعظم نے خطے میں امن و استحکام کے فروغ کے لیے پاکستان کی مسلسل کوششوں کو سراہا۔
انہوں نے وزیر اعظم محمد شہباز شریف کو یقین دلایا کہ قطر ان سفارتی کوششوں کی مکمل حمایت جاری رکھے گا۔
