ماسکو: روس اور پاکستان کے درمیان سٹریٹجک استحکام سے متعلق مشاورتی گروپ کا 16واں اجلاس 18 مئی کو ماسکو میں منعقد ہوا
اجلاس کی مشترکہ صدارت روس کے نائب وزیر خارجہ سرگئی ریابکوف اور اسلامی جمہوریہ پاکستان کی وزارت خارجہ کے ایڈیشنل سیکریٹری طاہر حسین اندرابی نے کی۔
اجلاس کے دوران دونوں جانب سے بین الاقوامی سلامتی اور عالمی استحکام سے متعلق اہم امور پر تفصیلی اور اعتماد پر مبنی تبادلہ خیال کیا گیا۔
اس کے علاوہ اسلحہ کنٹرول، تخفیف اسلحہ اور عدم پھیلاؤ سے متعلق معاملات بھی زیر غور آئے۔
مشاورتی اجلاس میں اس امر کی تصدیق ہوئی کہ زیر بحث بیشتر معاملات پر روس اور پاکستان کے مؤقف میں ہم آہنگی پائی جاتی ہے۔
دونوں ممالک نے متعلقہ بین الاقوامی فورمز پر باہمی رابطے اور تعاون جاری رکھنے کے عزم کا اعادہ بھی کیا۔
