اپر سوات کے علاقے دارمئی لنڈی چم میں نجی سکول کی بس بریک فیل ہونے کے باعث الٹ گئی، جس کے نتیجے میں ایک طالبہ جاں بحق جبکہ 20 سے زائد طالبات اور تین خواتین زخمی ہو گئیں ۔
سوات: ریسکیو حکام نے بتایا کہ حادثے کی اطلاع ملتے ہی 6 ایمبولینسز اور ریسکیو میڈیکل ٹیمیں فوری طور پر جائے وقوعہ پہنچ گئیں اور امدادی کارروائیاں شروع کر دیں ۔
ریسکیو حکام کے مطابق بس میں 40 سے زائد طالبات سوار تھیں، حادثے کے دوران سڑک کنارے موجود تین راہ گیر خواتین بھی زد میں آ کر شدید زخمی ہوئیں ۔
زخمیوں کو مختلف سوات کے ہسپتالوں میں منتقل کر دیا گیا، جہاں متعدد زخمیوں کو مزید علاج معالجے کی سہولت دی جا رہی ہے ۔
حادثے میں جاں بحق ہونے والی طالبہ کی شناخت حورین دختر خورشید سکنہ لنڈی چم کے نام سے ہوئی ہے ، حادثے کی مزید تحقیقات جاری ہیں ۔
