پشاور میں فرنٹیئر کانسٹیبلری ( ایف سی) کی چیک پوسٹ پردہشتگردوں کے حملے اور قبضے کی کوشش کو بنادیا گیا، سیکیورٹی فورسز کی فوری جوابی کارروائی میں 8 حملہ آور دہشتگرد ہلاک کر دیئے گئے ۔
سیکیورٹی ذرائع کے مطابق پشاور کے علاقے حسن خیل میں فیڈرل کانسٹیبلری کی ایک چیک پوسٹ پر مسلح حملہ آوروں کی جانب سے حملے کے بعد قبضے کی کوشش کی گئی جسے سیکیورٹی اہلکاروں نے فوری جوابی کارروائی میں ناکام بنا دیا ۔
سیکیورٹی ذرائع کے مطابق حملہ آوروں نے پوسٹ پر حملہ کیا، تاہم فیڈرل کانسٹیبلری کے جوانوں نے فوری اور مؤثر جوابی کارروائی کرتے ہوئے 8 حملہ آوروں کو اپنے انجام تک پہنچا دیا ۔
سیکیورٹی اہلکاروں نے کامیابی سے چیک پوسٹ کا دفاع کیا اور حملہ آور اپنے مقاصد حاصل کرنے میں ناکام رہے، اس دوران دہشتگردوں اور سیکیورٹی فورسز کے درمیان فائرنگ کا تبادلہ بھی ہوا ۔
ذرائع کا مزید کہنا تھا کہ اطلاع ملتے ہی سیکیورٹی فورسز کے اضافی دستے نے موقع پر پہنچ علاقے کو گھیرے میں لے لیا اور سرچ اور کلیئرنس آپریشن جاری ہے ۔
