آئندہ مالی سال کیلئے وفاقی سالانہ بجٹ 12 جون کو پیش کیا جائے گا، اس کیلئے قومی اسمبلی اور سینیٹ کا اجلاس کل طلب کر لیا گیا ۔
اسلام آباد: صدر مملکت آصف علی زرداری نے وزیراعظم شہباز شریف کی ایڈوائس پر قومی اسمبلی کے دونوں ایوانوں کا اجلاس کل طلب کر لیا ہے ۔
قومی اسمبلی کا اجلاس کل شام 5 بجے طلب کیا گیا ہے جبکہ سینیٹ کا اجلاس کل سہ پہر 4 بجے پارلیمنٹ ہاوس میں طلب کیا گیا ہے ۔
وفاقی وزیر برائے پارلیمانی امور طارق فضل چودھری کے مطابق وفاقی بجٹ جمعہ12 جون کو قومی اسمبلی میں پیش کیا جائےگا، وفاقی وزیر خزانہ محمد اورنگزیب قومی اسمبلی میں مالی سال 2026.27 کا وفاقی بجٹ پیش کریں گے ۔
