راولپنڈی: لبنان کی مسلح افواج کے سربراہ جنرل روڈولف ہیکل نے جی ایچ کیو میں چیف آف ڈیفنس فورسز فیلڈ مارشل سید عاصم منیر سے ملاقات کی۔
آئی ایس پی آر کے مطابق راولپنڈی میں ہونے والی ملاقات میں لبنانی کمانڈر نے خطے میں امن و استحکام کیلئے بہترین کردار ادا کرنے پرپاکستان کو خراج تحسین پیش کیا۔
ملاقات میں باہمی دلچسپی کے امور، علاقائی سکیورٹی صورتحال اور دفاعی تعاون پر تفصیلی تبادلہ خیال کیا گیا۔
پاکستان اور لبنان کی مسلح افواج کے درمیان پیشہ ورانہ روابط اور تربیتی تعاون بڑھانے پر اتفاق کیا گیا۔
فیلڈ مارشل سید عاصم منیر نے لبنان کے ساتھ دیرینہ اور خوشگوار تعلقات کی اہمیت پر زور دیا۔
پاکستان نے لبنانی مسلح افواج کے ساتھ دفاعی تعاون کو مزید وسعت دینے کے عزم کا اعادہ کیا۔
جنرل روڈولف ہیکل نے پاکستان کی مسلح افواج کی پیشہ ورانہ صلاحیتوں اور آپریشنل مہارت کو سراہا۔
لبنانی آرمی چیف نے خطے میں امن و استحکام کے لیے پاکستان کے کردار کو خراج تحسین پیش کیا۔
دونوں ممالک کی عسکری قیاد ت نے فوجی تعاون کو مزید مضبوط بنانے کے مشترکہ عزم کا اظہار کیا۔
مسلح افواج کے درمیان ادارہ جاتی روابط کو فروغ دینے پر بھی اتفاق کیا گیا۔
لبنان کی مسلح افواج کے کمانڈر ان چیف جنرل روڈلف ہیکل کو جی ایچ کیو راولپنڈی آمد پرپاک فوج کے چاق و چوبند دستے نے گارڈ آف آنر پیش کیا۔
