سکیورٹی فورسز نے بلوچستان میں خفیہ اطلاع پر کامیاب کارروائی کی ہے جہاں بھارتی حمایت فتنہ الہندوستان کے 14دہشت گردوں کو اپنے انجام تک پہنچادیاگیا ، آپریشن کے دوران حوالدار محمد عباس شہید ہو گئے ۔
پاک فوج کے شعبہ تعلقات عامہ کی جانب سے جاری بیان کے مطابق بلوچستان کے ضلع بیسمہ کے علاقے نال ایریا میں دہشت گردوں کی موجودگی کی اطلاع پر آپریشن کیاگیا ۔
آئی ایس پی آر کے بیان میں کہا گیا ہے کہ آپریشن کے دوران 14 دہشتگردوں کو اپنے انجام تک پہنچا دیا گیا ۔
آئی ایس پی آر کے نے بتایا کہ بھارتی پراکسی فتنہ الہندوستان کے دہشتگردوں کا پولیس سٹیشن اور بینکوں پر حملے کا منصوبہ تھا ۔
آئی ایس پی آر کا مزید بتانا تھا کہ دہشت گردوں کے مذموم عزائم ناکام بنانےکیلئے فوری اور تیز آپریشن کیاگیا، آپریشن کے دوران دہشتگردوں کی نقل و حرکت مؤثر طور پر روکی گئی ۔
اس دوران دہشت گردوں کے زیر استعمال 4 گاڑیاں اور آئی ای ڈیز بھی تباہ کر دی گئیں، آپریشن میں وطن کے بہادر سپوت لانس حوالدار محمد عباس نے جامِ شہادت نوش کیا ۔
آئی ایس پی آر کا کہنا تھا کہ علاقے میں موجود کسی دوسرے دہشت گرد کے خاتمے کے لیے کلیئرنس آپریشن جاری ہے، دہشت گردی کے مکمل خاتمے تک انسدادِ دہشت گردی مہم پوری قوت سے جاری رکھیں گے ۔
