پاکستان نے نارووال میں اڈا سراج مندر گرائے جانے سے متعلق بھارتی وزارتِ خارجہ کے دعوے کو جھوٹا اور بے بنیاد قرار دے دیا۔
پاکستان نے بھارت کا جھوٹا دعویٰ مسترد کر دیا۔
ترجمان دفترِ خارجہ سجاد حیدر نے بتایا کہ بھارتی وزارتِ خارجہ نے سیاسی مقاصد کیلئے گمراہ کن اور جھوٹا بیان جاری کیا۔
اڈا سراج مندر کو 21 جولائی 2026 کو طوفانی بارشوں کے باعث نقصان پہنچا تھا۔
مقامی انتظامیہ پہلے ہی مندر کا سروے کر چکی ہے اور بحالی کے اقدامات بھی شروع کر دیے گئے ہیں۔
ترجمان نے کہا کہ صورتحال کے تناظر میں بھارت کا حقائق کو توڑ مروڑ کر اپنے مفاد کیلئے پیش کرنا شرمناک ہے۔
بھارتی بیان اقلیتوں اور عبادت گاہوں پر حملوں سمیت ریاستی تشدد کے واقعات سے دنیا کی توجہ نہیں ہٹا سکتا۔
ترجمان دفترِ خارجہ کا کہنا تھا کہ دنیا بھارتی ہندوتوا پر مبنی پرتشدد اقدامات سے پوری طرح آگاہ ہے۔
دنیا بھارتی قیادت سے مسلمانوں، سکھوں اور مسیحیوں پر ہونے والے مظالم کا حساب لے۔
