کراچی: وزیراعظم ٹاسک فورس کی جانب سے کی جانے والی اصلاحات کے مثبت نتائج سامنے آنے لگے ہیں۔
کراچی پورٹ کی عالمی رینکنگ ایک سال میں 99ویں سے 69ویں پوزیشن پر پہنچ گئی۔
پورٹ قاسم کی عالمی رینکنگ میں بھی نمایاں بہتری ریکارڈ کی گئی ہے۔ پورٹ قاسم 74ویں سے 56ویں پوزیشن پر آ گیا۔
اعداد و شمار کے مطابق ایک سال کے دوران کراچی پورٹ کی عالمی رینکنگ میں 30 درجے جبکہ پورٹ قاسم کی رینکنگ میں 18 درجے بہتری ہوئی۔
کراچی پورٹ اور پورٹ قاسم سالانہ 100 ملین ٹن سے زائد کارگو ہینڈل کرنے کی صلاحیت رکھتے ہیں۔
بہتر بندرگاہی نظام اور میری ٹائم اصلاحات سے پاکستان کی تجارتی سرگرمیوں میں بھی بہتری آ رہی ہے۔
رپورٹ کے مطابق گڈز ڈیکلریشن ریونیو میں 16 فیصد جبکہ انکم ٹیکس وصولیوں میں 14 فیصد اضافہ ریکارڈ کیا گیا۔
میری ٹائم اصلاحات کے نتیجے میں الیکٹرانک قانونی محصولات میں بھی نمایاں اضافہ ہوا، جو 105 فیصد تک پہنچ گیا۔
جدید بندرگاہی سہولیات، تیز تر کسٹمز نظام اور بہتر لاجسٹکس پاکستان کو خطے میں ایک اہم ٹرانس شپمنٹ مرکز کے طور پر مستحکم کرنے میں مدد دے رہے ہیں۔
دوسری جانب جہاز سازی کے خام مال اور جہازوں کی خریداری پر سیلز ٹیکس کے خاتمے سے مقامی شپ بلڈنگ کے شعبے کو فروغ ملنے کی توقع ہے۔
نئے پورٹس، تیز کسٹمز کلیئرنس، یکساں پورٹ ٹیرف اور بہتر لاجسٹکس سے مقامی جہاز سازی اور میری ٹائم شعبے کو مزید تقویت مل رہی ہے۔
