شمالی وزیرستان: افغان شہریوں کی پاکستان میں دہشتگردی میں ملوث ہونے کا ایک اور ناقابلِ تردید ثبوت سامنے آگیا۔
غلام خان پاک افغان سرحد پر سکیورٹی فورسز کی کارروائی میں مارے گئے 15 دہشتگردوں میں سے ایک کی شناخت سید احمد ہارون کے نام سے ہوئی۔
احمد ہارون کا تعلق افغانستان کے صوبہ پکتیا سے تھا۔
افغان دہشتگرد کی شناخت پاکستان کے مؤقف کی ایک بار پھر تائید کرتی ہے اور افغانستان سے سرحد پار دہشتگردی سے متعلق پاکستان کا مؤقف درست ثابت ہوگیا۔
طالبان رجیم کی دہشتگردوں کے خلاف کارروائیوں کے کھوکھلے دعووں پر سنگین سوالات اُٹھ رہے ہیں۔
پاکستان میں دہشتگرد تنظیموں کے ساتھ مل کر لڑتے ہوئے 300 سے زائد افغان شہریوں کی ہلاکت افغانستان سے پاکستان میں جاری دہشتگردی کا واضح ثبوت ہے۔
