کراچی: وزیر خزانہ سینیٹر محمد اورنگزیب نے کہا ہے کہ ملک کی معاشی ترقی شفافیت اور ٹیم ورک سے ممکن ہو رہی ہے۔
وزیر خزانہ کراچی میں نیا ناظم آباد اپارٹمنٹس کی پی ایس ایکس میں لسٹنگ کے حوالے سے گانگ بیل کی تقریب سے خطاب کررہے تھے۔
وزیر خزانہ نے کہا کہ حکومت کی معاشی پالیسیوں کی یہ کامیابی ہے کہ غیر ملکی سرمایہ کار پاکستان میں سرمایہ کاری کرنے میں دلچسپی کا اظہار کر رہے ہیں۔
انہوں نے کہا کہ دو سال کے اندر نہ صرف سٹاک مارکیٹ تاریخ کی بلند ترین سطح پر پہنچ گئی ہے۔
پی ایس ایکس میں ریکارڈ تعداد میں نئے سرمایہ کار بھی رجسٹر ہوئے ہیں۔
ان سرمایہ کاروں میں 85 فیصد نوجوان نسل کا ہونا ہمارے لیے قابلِ فخر ہے۔
محمد اورنگزیب نے کہا کہ وزیراعظم اپنا گھرسکیم کے تحت بینک بہت کم عرصے میں 130 ارب روپے کے قرضے منظور کر چکے ہیں، جو خوش آئند ہے۔
