ہری پور میں گرلز ہائی سکول میں شارٹ سرکٹ کے باعث آگ لگ گئی۔
ریسکیو ذرائع کے مطابق 500 طالبات اسکول میں موجود تھیں جب آگ شارٹ سرکٹ کے باعث لگی۔ چند ہی لمحوں میں آگ نے پوری عمارت کو اپنی لپیٹ میں لے لیا۔آگ لگنے سے سکول میں موجود فرنیچر اور دیگر سامان سمیت دفتری کاغذات بھی جل کر راکھ بن گئے۔اطلاع ملتے ہی ریسکیو 1122 کی ٹیمیں موقع پر پہنچ گئیں جنہوں نے مقامی لوگوں کی مدد سے لڑکیوں کو جلتی ہوئی عمارت سے بحفاظت نکال لیا۔
