عالمی مارکیٹ میں خام تیل کی قیمتوں میں کمی کے پیش نظر پاکستان میں بھی پیٹرولیم مصنوعات کے نرخ میں بڑٰ کمی کا امکان ہے ۔
رپورٹ کے مطابق وفاقی حکومت اوگرا سفارشات کے بعد قیمتوں سے متعلق فیصلہ آج کرے گی، 16 اپریل سے پیٹرول کی فی لیٹر قیمت میں 8 روپے 50 پیسے تک کمی متوقع ہے ۔
رپورٹ میں مزید کہا گیا ہے کہ آئندہ 15 روز کیلئے ہائی سپیڈ ڈیزل 6 روپے 96 پیسے تک سستا ہونے کا امکان ہے ،اسی طرح مٹی کا تیل 7 روپے 47 پیسے، لائٹ ڈیزل 7 روپے 21 پیسے تک سستا ہوسکتا ہے ۔
اوگرا قیمتوں کے بارے میں حتمی تجاویز آج حکومت کو بھجوائے گا، وزارت خزانہ وزیر اعظم سے مشاورت کے بعد قیمتوں سے متعلق نوٹیفکیشن جاری کرے گی ۔
ذرائع کے مطابق حکومت ٹیکسز کی مد میں اتار چڑھاؤ کر کے تجاویز تبدیلی کا اختیار بھی استعمال کر سکتی ہے ، تاہم ذرائع نے کہا ہے کہ پٹرولیم مصںوعات میں آج بڑی کمی متوقع ہے ۔
یاد رہے کہ گزشتہ ماہ مارچ میں حکومت نے پیٹرولیم لیوی کی شرح میں اضافہ کر دیاتھا، پیٹرولیم قیمتیں برقرار رکھ کر بجلی پر ریلیف کا اعلان بھی گزشتہ ماہ کیا گیا تھا ۔
