تخت بھائی : وزیراعلی پنجاب مریم نواز کی اے آئی تصاویر شیئر کرنے والے ملزم کو ضلع مردان کی تحصیل سے گرفتار کرلیا گیا ۔
ترجمان ایف آئی اے نے تصدیق کی ہے ملزم کو تخت بھائی سے گرفتار کیا گیا ۔ کارروائی ایف آئی اے سائبر کرائم سرکل پشاور نے کی ۔
سیاسی شخصیات کے حوالے سے سوشل میڈیا پر تضحیک آمیز مواد شیئر کرنے والے شخص کی شناخت عالم خان کے نام سے ہوئی ہے، جس نے سماجی رابطوں کے پلیٹ فارم پر سیاسی شخصیات کے خلاف اے آئی سے بنائی گئی پوسٹس شیئر کیں ۔
ابتدائی اطلاعات کے مطابق ملزم کا تعلق تخت بھائی سے ہے، جسے گرفتار کرکے تفتیش کا آغاز کردیا گیا ہے ۔
ترجمان کے مطابق آن لائن ہتک عزت اور سائبر کرائم میں ملوث ملزمان کے خلاف سخت کارروائیاں کی جا رہی ہیں اور ملزمان کی گرفتاری کے لیے تمام تر وسائل کو بروئے کار لایا جا رہا ہے ۔
