Latest Urdu news from Pakistan - Peshawar, Lahore, Islamabad

افغان باشندوں: وطن واپسی کا سلسلہ جاری

ملک میں مقیم غیر قانونی افغان باشندوں کی اپنے وطن واپسی کا سلسلہ جاری ہے۔ 4لاکھ 69ہزار کے قریب ابتک افغان باشندوں کی اپنے وطن واپسی ہوچکی ہے۔

عسکری قیادت اور حکومت پاکستان  کی مشترکہ کاوشوں سے غیر قانونی افراد کا ملک سے انخلا بدستور جاری ہے۔گزشتہ روز سرکاری اعداد وشمار کے مطابق مزید 778غیر قانونی افغان باشندے اپنے ملک چلے گئے۔ واپس جانے والوں میں 143خواتین، 214مرد اور 421بچے شامل ہیں۔

افغانستان روانگی کیلئے 42گاڑیوں میں 72خاندانوں کی اپنے وطن واپسی عمل میں لائی گئی ہے۔ غیر قانونی افغان باشندوں کی کثیر تعداد گرفتاری کے ڈر سے وفاقی حکومت کے اعلان سے قبل بھی پاکستان سے واپس افغانستان جاتی رہی تاہم سرکاری اعداد وشمار کے مطابق مجموعی طور پر 15جنوری تک 4لاکھ 68 ہزار 929افغان باشندے اپنے ملک جا چکے ہیں۔

واضح رہے کہ غیر قانونی طور پر مقیم افراد کی بڑی تعداد کراچی سمیت دیگر شہروں میںموجود تھی جسکی وجہ سے ملک میں بھتہ خوری اورسمگلنگ کی واردتیں بڑھ رہی تھیں۔

جواب چھوڑیں

آپ کا ای میل ایڈریس شائع نہیں کیا جائے گا.