مشیر اطلاعات خیبرپختونخوا بیرسٹر سیف نے مخصوص نشستوں سے متعلق سپریم کورٹ کے فیصلے پر اپنے ردعمل میں کہا ہے کہ عدالت عظمیٰ کے تاریخی فیصلے پر پوری قوم اور پی ٹی آئی کارکنوں کو مبارکباددیتا ہوں۔آج قانون، آئین اور جمہوریت کی بالادستی کا دن ہے۔انہوں نے کہا کہ آج بانی چیئرمین اور پی ٹی آئی کے موقف پر مہر تصدیق ثبت کردی۔
فیصلے سے ثابت ہوا کہ ہمارا موقف حق و سچ پر مبنی تھا۔سپریم کورٹ کے فیصلے سے آئینی بحران کا خاتمہ ہوا۔بیرسٹر سیف نے مزید کہا کہ آئندہ بھی سپریم کورٹ سے آئین اور قانون پر مبنی فیصلوں کی توقع رکھتے ہیں۔ مخصوص نشستیں ملنے سے پارلیمنٹ میں پی ٹی آئی مضبوط ہوگی اورجعلی فارم 47 حکومت کا اپنے فائدے کے لئے آئینی ترامیم کا راستہ بھی رک جائیگا،انہوں نے کہا کہ فیصلے سے الیکشن کمیشن کا منفی کردار مزید عیاں ہوگیا۔سپریم کورٹ کے تاریخی فیصلے کے بعد چیف الیکشن کمشنر کو فوری مستعفی ہونا چاہیئے۔
