Latest Urdu news from Pakistan - Peshawar, Lahore, Islamabad

سوات میں پولیس ڈیپارٹمنٹ کا قابلِ تقلید اور احسن اقدام

ضلع سوات کے ڈی پی او شفیع اللہ گنڈاپور  نے پولیس کے حوالے سے انتہائی احسن اور قابل تقلید قدم اٹھایا ہے جسے ملک بھر میں سراہا جا رہا ہے۔ انہوں نے ضلع کے تمام پولیس افسران کو حکم دیا ہے کہ وہ اساتذہ کرام کو سلیوٹ کریں۔

ڈی پی او سوات کا کہنا ہے کہ کہا کہ اسلام میں استاد کو روحانی باپ کا درجہ دیا گیا ہے اور جو فرد اساتذہ کا احترام نہیں کرتا وہ کبھی ترقی نہیں کر پاتا۔  ہر مہذب معاشرے میں استاد کا کردار بہت اہم ہوتا ہے اور کس بھی ملک و قوم کی ترقی میں استاد کے کردار سے انکار کرنا ممکن نہیں۔

ڈی پی او سوات نے ہدایت جاری کی کہ ضلع  سوات میں کانسٹیبل سے لے کر سینیئرافسران جب بھی کسی استاد سے ملیں تو سلام کریں۔ علاوہ ازیں جب بھی کوئی استاد کسی پولیس اسٹیشن، چوکیوں اور چیک پوسٹوں پر آئے گا تو انہیں انتظار میں نہیں رکھا جائے گا اور قانون کے مطابق ان کے مسائل فوری طور پر حل کیے جائیں گے۔ ان کا مزید کہنا تھا کہ سڑکوں پر کسی استاد کی طرف سے معمولی غلطی کی صورت میں انہیں شائستگی سے خبردار کرکے احترام کے ساتھ چھوڑا جائے۔

جواب چھوڑیں

آپ کا ای میل ایڈریس شائع نہیں کیا جائے گا.