اسلام آباد کی مقامی عدالت نے حقیقی آزادی مارچ کے دو مقدمات میں سابق وزیر اعلیٰ خیبر پختونخوا علی امین گنڈا پور کے وارنٹ گرفتاری جاری کردیئے ۔
اسلام آباد: سینئر سول جج مبشر حسن چشتی نے حقیقی آزادی مارچ کے خلاف درج مقدمات سماعت کی، عدالت میں طلبی کے باوجود عدم پیشی پر علی امین گنڈاپور کے وارنٹ گرفتاری جاری کئے گئے ۔
عدالت نے کہا ہے کہ علی امین گنڈا پور متعدد بار طلبی کے باوجود عدالت پیش نہیں ہورہے ۔
عدالت نے کیس کی مزید سماعت 5 جنوری تک ملتوی کردی، بانی پی ٹی آئی، شاہ محمود قریشی، زرتاج گل ودیگر دونوں مقدمات سے بری ہوچکے ہیں ۔
سابق وزیر اعلیٰ خیبر پختونخوا علی امین گنڈا پور ودیگر کیخلاف تھانہ بارہ کہو میں 2 مقدمات درج ہیں ۔
