راولپنڈی: باجوڑ میں فورسز اور دہشتگردوں کے درمیان جھڑپ میں 12 دہشتگرد مارے گئے جب کہ دہشتگردوں کے دھماکے سے 11 اہلکار شہید ہوگئے، دھماکے سے قریبی عمارتوں کو بھی نقصان پہنچا، ایک بچی بھی شہید ہوگئی جبکہ 7 افراد زخمی ہو گئے ۔
پاک فوج کے شعبہ تعلقات عامہ کی جانب سے جاری بیان کے مطابق 16 فروری کو ضلع باجوڑ میں فتنہ الخوارج نے دہشتگردانہ حملہ کیا ۔
آئی ایس پی آر کا کہنا ہے کہ حملے کے بعد سکیورٹی فورسز اور دہشتگردوں کے درمیان جھڑپ ہوئی جس میں 12 دہشتگرد مارے گئے ۔
آئی ایس پی آر نے بتایا کہ حملہ آور دہشتگرد چیک پوسٹ کی سکیورٹی توڑنا چاہتے تھے مگر سریکیورٹی فورسز نے منصوبہ ناکام بنادیا گیا ۔
آئی ایس پی آر کا مزید کہنا تھا کہ اس دوران حملہ آوروں نے دھماکہ خیز گاڑی چیک پوسٹ کی دیوار سے ٹکرائی جس کے نتیجے میں 11 سکیورٹی اہلکار شہید ہوگئے ۔
ترجمان پاک فوج کے مطابق دھماکے سے قریبی عمارتوں کو بھی نقصان پہنچا ،ایک معصوم بچی شہید اور خواتین سمیت 7 افراد زخمی بھی ہوئے ۔
