پاکستان ٹیسٹ کرکٹ ٹیم کے کپتان بابر اعظم انجری کے باعث انگلینڈ کے خلاف پہلے ٹیسٹ میچ سے باہر ہوگئے اور ان کی جگہ سلمان علی آغا پہلے میچ کیلئے کپتان مقرر کردیئے گئے ہیں ۔
قومی ٹیم کے ہیڈ کوچ سرفراز احمد نے تصدیق کی ہے کہ بابر اعظم کی عدم موجودگی میں سلمان علی آغا پہلے ٹیسٹ میں پاکستان کی قیادت کریں گے، جبکہ شان مسعود بھی میچ کے لیے مکمل طور پر فٹ ہیں ۔
پاکستان اور انگلینڈ کے درمیان پہلا ٹیکسٹ میچ کل سے لیڈز کرکٹ گراونڈ میں شروع ہوگا، میچ پاکستان وقت کے مطابق سہہ پہر 3 بجے شروع ہوگا ۔
بابر اعظم کینٹ کاؤنٹی کرکٹ کلب میں جاری تین روزہ پریکٹس میچ کے دوسرے روز بیٹنگ کے دوران دائیں ہاتھ پر گیند لگنے سے زخمی ہوگئے تھے ۔
ٹیم ڈاکٹر کے معائنے اور احتیاطی تدابیر کے پیش نظر بابر اعظم کو پریکٹس میچ کے باقی ماندہ وقت میں آرام کا مشورہ دیا گیا تھا۔
پاکستان کرکٹ بورڈ کے مطابق بابر اعظم 17 اگست کو ہیڈنگلے کرکٹ گراؤنڈ میں قومی ٹیم کے پریکٹس سیشن میں شرکت کرنے والے تھے ۔
