بلوچستان میں دہشت گردوں کا ایک اور وار، پنجاب کے رہنے والے نو مسافروں کو بس سے اتار کر قتل کر دیا اور فرار ہو گئے۔ افسوسناک واقعہ ضلع نوشکی میں قومی شاہراہ پر پیش آیا جہاں بس سے اغواء کیےگئے 9 پنجابی مسافروں کو قتل کردیا گیا۔
پولیس کا کہنا تھا کہ مغویوں کی لاشیں قریبی پہاڑی کےقریب پل کے نیچے سے ملی ہیں۔ مسافربس کوئٹہ سےتفتان جا رہی تھی جس میں سےمتعدد افرادکو بس سے اتارکر اغواء کیا گیا تھا،قتل کیےگئےمسافروں کا تعلق پنجاب کے علاقے منڈی بہاؤالدین، گوجرانوالہ اور وزیر آباد سے ہے۔ واقعے پر وزیراعظم شہبازشریف اوروفاقی وزیرداخلہ محسن نقوی نے نوشکی میں بس مسافروں کے اغواء و قتل کی شدید مذمت کی ہے تاہم کسی بلوچ رہنما نے اس اندوہناک واقعہ کی مذمت تک نہیں کی۔
وزیراعظم شہباز شریف نےنوشکی واقعے کی رپورٹ طلب کرلی ہے،اس موقع پر وزیراعظم کاکہنا ہےتھا کہ غم کی اس گھڑی میں سوگوار خاندانوں کے ساتھ کھڑے ہیں۔
