بلوچستان کے مختلف علاقوں میں انسداد اسمگلنگ کی کارروائیاں جاری ہیں
ایف سی بلوچستان (نارتھ) کی طرف سے دیگر اداروں کے ہمراہ بلوچستان کے مختلف علاقوں میں انسداد اسمگلنگ کی کارروائیاں جاری ہیں۔06 تا 24 مارچ 2024 کے دوران منشیات 12 میٹرک ٹن ،سولرپینلز اور انورٹرز تعداد 1135،سگریٹس 410 کارٹنز اور 39260 لیٹرز ایرانی ڈیزل کی اسمگلنگ کو ناکام بنایا گیا ہے۔اسمگلنگ کی دیگر اشیاء جس میں یوریا کھاد،چینی، چائنہ سالٹ، ٹائرز اورنان کسٹمز پیڈ گاڑیاں شامل تھیں، ان سب کو بھی ضبط کیا گیا ہے۔
ژوب، قلعہ سیف اللہ،نوشکی،بارکھان،پنجپائی، چمن، ڈیرہ اللہ یار اور پاک افغان سرحدی علاقوں میں یہ کاروائیاں کی گئیں ہیں۔مالیت ضبط شدہ اشیاء کی 1927 ملین لگائی گئی ہے۔قبضہ میں تمام اشیاء لیکر کسٹمز حکام کے حوالے کر دی گئیں ہیں۔ یہ اشیاء اسمگلرز ٹرکوں اور مسافر بسوں میں چھپا کر اسمگل کر رہے تھے، جس کو ایف سی بلوچستان کے جوانوں نے بروقت کارروائی کرتے ہوئے ناکام بنایا۔
