بنوں میں پولیس پوسٹ خونیہ خیل پر دہشتگردوں کا حملہ ناکام بنادیا گیا، پولیس کی فوری جوابی کارروائی میں 3 دہشتگرد ہلاک جبکہ 9 زخمی ہو گئے ۔
بنوں: پولیس حکام کے مطابق گزشتہ رات گئے دہشتگردوں نے تھانہ احمدزئی اور فتح خیل چوکی پر حملے کی کوشش کی جسے پولیس جوانوں نے فوری کارروائی کرتے ہوئے ناکام بنادیا ۔
پولیس حکام نے بتایا کہ پولیس کی فوری اور کامیاب کارروائی میں 3 حملہ آور ہلاک اور 9 زخمی ہو گئے، ہلاک دہشتگردوں میں کمانڈر عمر اعظم عرف خزمتی بھی شامل ہے ۔
پولیس کا مزید بتانا ہے کہ دہشتگردوں نے چوکی کو چاروں طرف سے گھیرنے کی کوشش کی، پولیس کی بروقت کارروائی سے حملہ آور پسپا ہوگئے ۔
دہشتگردوں کے ساتھ شدید فائرنگ کے تبادلے میں ایک پولیس اہلکار معمولی زخمی ہوا ہے، ڈی آئی جی سجاد خان نے دہشتگردوں کے خلاف کامیاب کاروائی پر جوانوں کو خراجِ تحسین پیش کیا ہے ۔
