بنوں میں تھانہ ڈومیل پر دہشت گردوں کا بزدلانہ خودکش حملہ ناکام بنا دیا گیا، دھماکے سے 5 شہری شہید اور پولیس اہلکاروں سمیت 19 افراد زخمی ہو گئے ۔
بنوں: سکیورٹی ذرائع کے مطابق خودکش حملہ آور نے تھانے کے باہر سول آبادی کو نشانہ بنا ڈالا، خودکش حملے میں شہید ہونے والوں میں عام شہری شامل ہیں ۔
حملے کے زخمیوں کو ہسپتال منتقل کر دیا گیا جہاں فوری طبی امداد کی فراہمی جاری ہے، ریسکیو ٹیمیں اور مقامی افراد متاثرہ عمارت کا ملبہ ہٹانے اور امدادی سرگرمیوں میں مصروف ہیں ۔
سکیورٹی ذرائع کے مطابق بہترین حفاظتی اقدامات کی بدولت تھانہ ڈومیل پر حملہ ناکام ہوا لیکن دہشتگردوں کی بزدلی کی وجہ سے عام آبادی کو نقصان اٹھانا پڑا ۔
سکیورٹی فورسز نے علاقے کو گھیرے میں لے کر ریسکیو اینڈ سرچ آپریشن شروع کر دیا ہے، یہ عناصر بنوں کے امن پسند عوام کو دہشت گردی میں جھونکنا چاہتے ہیں، تاہم ان دہشتگردوں کا خاتمہ یقینی ہے ۔
سکیورٹی ذرائع نے واضح کیا کہ آخری دہشت گرد کے خاتمے تک نیشنل ایکشن پلان کے تحت کارروائیاں جاری رہیں گی ۔
