کوئٹہ: بیوٹمز یونیورسٹی میں سجائے گئے میلے میں سندھی، پنجابی، بلوچی اور پشتون ثقافت کے خوبصورت رنگ نمایاں دکھائی دیے۔
طلبہ نے روایتی لباس، ثقافتی انداز اور تخلیقی سٹالز کے ذریعے شائقین کی توجہ حاصل کر لی۔
سندھی اجرک، بلوچی روایتی لباس، پنجابی ثقافت اور پشتون روایات کے رنگ بیوٹمز کے ثقافتی میلے میں نمایاں رہے، جہاں طلبہ نے خوب داد سمیٹی۔
بیوٹمز یونیورسٹی میں طلبہ کے منفرد کاروباری آئیڈیاز پر مبنی سٹالز بھی سجائے گئے.
سٹالز پر پیش کی جانے والی مختلف مصنوعات اور منصوبوں نے شرکاء کی دلچسپی بڑھا دی۔
ثقافتی ورثے کے ساتھ کاروباری صلاحیتوں کا امتزاج بھی میلے کا نمایاں پہلو رہا۔
طلبہ نے اپنے تخلیقی آئیڈیاز کو عملی شکل دے کر صلاحیتوں کا لوہا منوایا۔
میلے کا مقصد نوجوانوں کی عملی تربیت، کاروباری صلاحیتوں کو فروغ دینا اور روزگار کے نئے مواقع اجاگر کرنا تھا۔
ثقافتی و کاروباری میلے میں مختلف ثقافتوں کی خوبصورت عکاسی کرنے والے طلبہ توجہ کا مرکز بنے رہے۔
علم، ثقافت، تخلیق اور کاروبار کا حسین امتزاج پیش کرنے والے اس میلے میں نوجوانوں کے جوش و جذبے اور صلاحیتوں نے حاضرین کے دل جیت لیے۔
