بشریٰ انصاری نے کہا کہ لوگوں کو کپڑے اور کھانا نہ دیں بلکہ انہیں تعلیم دیں
صاحب استطاعت افراد کو سینئر اداکارہ بشریٰ انصاری نے مشورہ دیا ہے کہ وہ لوگوں کو مچھلی نہ کھلائیں بلکہ مچھلی کا شکار کرنا سکھائیں۔حال ہی میں اداکارہ بشریٰ انصاری نے ایک پروگرام میں شرکت کی جہاں انہوں نے گفتگو کرتے ہوئے کہا کہ آپ کے اگر پاس زیادہ پیسہ ہے تو آپ کہیں انویسٹ کریں، پراپرٹی لیں اور اپنے بچوں پر خرچ کریں۔
پھر انہوں نے کہا کہ اگر اس سے بھی آپ کے پاس پیسہ ہے تو آپ کسی کو جوتے کپڑے لے کر نہ دیں بلکہ ان کو تعلیم کا شعور فراہم کریں۔اداکارہ نے بتایا کہ میں خود طالب علموں کو اڈاپ کرتی ہوں اور میرے سے جتنا ہوسکے ان کی تعلیم کا خرچہ اٹھاتی ہوں،مجھے کیونکہ لگتا ہے کہ تعلیم سے ان کے ہاتھ چلیں گے تو وہ چار دیے اور جلائیں گے۔اپنے ساتھ دوسروں کا بھی مستقبل بھی سنوارے گئے۔ لہٰذا اس طرح میرا ماننا ہےکہ مچھلی نہ کھلائیں بلکہ مچھلی پکڑنا سکھائیں اور لوگوں کو ہنر مند بنائیں۔
