جتنے بکرے چاہیں مفت میں پکڑ لیں۔دلچسپ اسکیم متعارف کرائی گئی ہے
ایلیکوڈی : اٹلی میں مقامی حکومت نے اعلان کیا ہے کہ علاقے میں گھومنے پھرنے والی بکری جس نے بھی پکڑلی وہ بکری اس کی ملکیت ہوگی۔سسلی کے ایولین جزیرے میں ایلیکوڈی کے میئر ریکارڈو گولو نے یہ فیصلہ جزیرے میں بکریوں کی بڑھتی ہوئی ہوشربا تعداد پر قابو پانے کیلئے کیا ہے۔
غیر ملکی میڈیا کی رپورٹ کے مطابق اطالوی جزیرے ایلیکوڈی میں بکریوں کی تعداد انسانی آبادی سے چھ گنا زائد ہوچکی ہے۔میئر نے کہا کہ مقامی حکومت کو جو شہری بھی ایک ای میل کے ذریعے درخواست اور 17 ڈالر کی "اسٹامپ فیس” ادا کرتا ہے تو جتنے چاہے وہ بکرے لے سکتا ہے اور وہ ان کو اجازت کے بعد جزیرے سے باہر بھی لے جاسکتا ہے۔
یہ آفر تاہم میئر نےبکریوں کو جزیرے پر ہی رکھنے کیلئے نہیں کی ہے، حکومت کی طرف سے درخواست موصول ہونے کے بعد سے شہری کو پکڑی گئیں اپنی تمام بکریاں 15 روز کے اندر اندر جزیرے سے باہر بھیجنا ہونگی۔میئر ریکارڈو گولو کے مطابق یہ پیشکش فی الحال 10 اپریل تک ہے لیکن وہ اس وقت کو تب تک توسیع کریں گے جب تک بکری اور بکروں کی آبادی واپس قابلِ انتظام تعداد تک پر نہیں آجاتی۔جزیرے کے بکریوں کے ریوڑ کی ابتداء تقریباً 20 سال قبل ہوئی تھی،انہیں جب مبینہ طور پر کوئی ایسا شخص ایلیکوڈی لایا تھا جو ان کی افزائش کا ارادہ رکھتا تھا لیکن وہ آوارہ بھٹکتے رہے اور جنگلی بن گئے ہیں۔
