وزیراعلٰی بلوچستان نے مزدور کے بچوں کو بڑے تعلیمی اداروں میں بھیجنے کا اعلان کردیا ہے،تاکہ وہ بھی بڑے تعلیمی اداروں میں پڑھ کر علم حاصل کرسکے۔
وزیراعلٰی بلوچستان میرسرفرازبگٹی نےمزدور پیشہ افراد کےچارسو کے قریب بچوں کو ملک کے اعلٰی اقامتی تعلیمی اداروں میں بھیجنے کا اعلان کردیا ہے۔کوئٹہ میں محکمہ محنت وافرادی قوت،لیبر ویلفیئر فنڈ کےاجلاس سےخطاب کرتے ہوئے وزیراعلیٰ بلوچستان میرسرفراز بگٹی نے کہا کہ لیبر ویلفیئر فنڈ کے تحت اب مزدوروں کے بچے بھی پاکستان کے اعلٰی ترین تعلیمی اداروں میں تعلیم حاصل کرسکیں گے،مزدوروں کے بچوں کے تمام ترتعلیمی اوراقامتی اخراجات لیبرویلفیئر فنڈ کےذریعے اٹھائیں جائیں گے۔
انہوں نےکہاکہ غریب کا بچہ ہمیشہ غریب ہی رہا ہے، یہ اس کی قسمت کا نہیں بلکہ معاشرتی ناہمواری کا معاملہ ہے،رواں سال مزدوروں کےچارسو بچےپاکستان کے اعلٰی تعلیمی اداروں میں پڑھیں گے۔مزید سرفراز بگٹی نےکہاکہ مزدورکا باصلاحیت بچہ مزدورنہیں افسر،ڈاکٹر،انجنئیر اورکامیاب انسان بنے گا،مزدور کا بچہ وہیں پڑھے گا جہاں پر ایک صاحب حیثیت شخص کا بچہ پڑھتا ہے،آئندہ سال سے مزدوروں کے ایک ہزار بچے پاکستان کے اعلٰی تعلیمی اداروں میں بھیجیں جائیں گے۔
