نائب وزیرِاعظم و وزیرِ خارجہ سینیٹر محمد اسحاق ڈار نے قطر کے وزیرِاعظم و وزیرِ خارجہ شیخ محمد بن عبدالرحمن بن جاسم الثانی سے ٹیلیفونک رابطہ کیا۔
ترجمان دفترخارجہ کے مطابق دونوں رہنماؤں نے خطے اور عالمی سطح پر جاری صورتحال پر تبادلہ خیال کیا اور کشیدگی میں فوری کمی کی ضرورت پر زور دیا۔ قطری قیادت نے پاکستان کی جانب سے مکالمے اور سفارت کاری کے ذریعے امن و استحکام کے فروغ کے لیے جاری کوششوں کو سراہا۔
گفتگو کے دوران پاکستان اور قطر کے درمیان گہرے برادرانہ تعلقات کی توثیق کی گئی اور اس بات پر اتفاق کیا گیا کہ بدلتی ہوئی صورتحال کے حوالے سے باہمی رابطے جاری رکھے جائیں گے۔
نائب وزیرِاعظم اسحاق ڈار کا قطر کے وزیرِاعظم و وزیرِ خارجہ سے ٹیلیفونک رابطہ، خطے کی صورتحال پر گفتگو
