پشاور:افغان شہریوں کا جعلی پاکستانی شناختی کارڈ پر پاکستان سے بیرون ملک جانے کا انکشاف ہوا ہے۔ ایف آئی کے مطابق جعلی پاکستانی شناختی کارڈ اور پاسپورٹ بنانے میں ملوث 34افغان شہری گرفتار کر لیے گئے۔ گرفتار ملزمان غیر قانونی طریقے سے چمن کے راستے پاکستان میں داخل ہوئے۔ گرفتار غیر ملکی ناردہ سے جعلی پاکستانی شناختی اور پارسپوٹ بنا کر بیرون ملک جارہے تھے،ملزمان نے پاکستان داخلے کے فی کس بارہ ہزار روپے ادا کئے، ایڈیشنل ڈائریکٹر ایف آئی اے کے مطابق نادرہ میگا سنٹر میں دو مشتبہ غیر ملکیوں کی گرفتاری کے بعد ہاسٹل پر چھاپہ مارا گیا، چھاپے کے دوران ہاسٹل سے مزید 32 غیرملکی گرفتار کئے گئے، گرفتار غیر ملکیوں سے پاکستانی جعلی شناختی کارڈز ،افغانی تزکرہ اور افغان پارسپوٹ برامد کیے گئے۔ گرفتار غیر ملکیوں میں نوجوان اور کم سن لڑکے شامل ہیں۔
گرفتار ملزمان ایجنٹ کے ذریعے پاکستانی پاسپورٹ اور شناختی کارڈ حاصل کرنے کی کوشش کررہے تھے، ایجنٹ کی گرفتاری کےلیے چھاپے مارے جا رہے ہیں، ملزمان کا پاکستانی شناختی کارڈ اور پاسپورٹ استعمال کرکے خلیجی ممالک جانے کا پلان تھا، نادرا اور پاسپورٹ آفس کے ملازمین کے ملوث ہونے کا تعین دوران تفتیش کیا جائے گا۔
