سوات : پولیس کے مطابق تحصیل کبل میں غیرت کے نام پر دوہرے قتل کی واردات کے بعد ملزم کو گرفتار کر لیا گیا۔
پولیس کا کہنا ہے کہ تحصیل کبل کے علاقے تاران میں غیرت کے نام پر دوہرے قتل کی واردات ہوئی، دیور نے فائرنگ کر کے اپنی بھابھی کو قتل کر دیا جبکہ اس کے ساتھ ہی غیر مرد کا بھی خون بہا دیا گیا۔ پولیس کے مطابق بروقت کارروائی کرتے ہوئے ملزم کو اسلحہ سمیت گرفتار کرلیا۔
دوسری جانب صوابی میں جائیداد تنازعے پر فائرنگ کا واقعہ پیش آیا ہے جس کے نتیجے میں بھتیجے کے ہاتھوں 2 چچا قتل جبکہ چچا زاد زخمی ہو گیا۔
ایف آئی آر کے مطابق سلمان نامی نوجوان نے مکان کے تنازعے پر اپنے سگے چچاوں شمشیر علی اور اختر علی پر فائرنگ کردی، جس کے نیتجے میں دونوں موقع پر جاں بحق جبکہ چچازاد ذوالکفل زخمی ہوگیا۔
پولیس کا کہنا ہے کہ ملزم فائرنگ کے بعد فرار ہونے میں کامیاب ہو گیا، واقعے کا مقدمہ درج کرکے ملزم کی تلاش شروع کردی ہے
