مظفر آباد: ڈاکٹر نجیب نقی آزاد کشمیر کے 25 ویں صدر منتخب ہوگئے۔
آزاد کشمیر کے نئے صدر کے انتخاب کے لیے آزاد جموں و کشمیر اسمبلی کا اجلاس ہوا۔
اجلاس میں پولنگ کے ذریعے 45 اراکین نئے صدر کا انتخاب کیا۔
پولنگ دوپہر ایک بجے تک جاری رہی۔
پولنگ میں مسلم لیگ (ن) کی جانب سے نامزد صدارتی امیدوار ڈاکٹر نجیب نقی کامیاب قرار پائے۔
ڈاکٹر نجیب نقی آزاد کشمیر کے 25 ویں صدر منتخب ہوگئے۔
پاکستان پیپلز پارٹی کے چوہدری لطیف اکبر ان کے مدمقابل تھے۔
ڈاکٹر نجیب نقی 32 ووٹ لے کر کامیاب ہوئے۔
انہیں مسلم لیگ (ن) کے 31 اور ایک ووٹ دست وبازو پارٹی کے ممبر نے دیا۔
پیپلز پارٹی کے امیدوار چوہدری لطیف اکبر نے 13 ووٹ حاصل کیے جب کہ ایک رکن غیر حاضر رہا۔
ڈاکٹر نجیب نقی کا تعلق پونچھ ڈویژن کے حلقہ سدھنوتی پلندری سے ہے۔
وہ 2006 سے 2011 تک آزاد کشمیر کے وزیر صحت رہے۔
ڈاکٹر نجیب نقی مسلم لیگ (ن) کی 2016 سے 2021 کی حکومت میں بھی وزیر صحت رہے۔
