بلوچستان کے اضلاع سبی اور خضدار میں 3.5 شدت کے زلزلے کے جھٹکے محسوس کیے گئے۔ اطلاع کے مطابق زلزلہ پیما مرکز کےمطابق رات بارہ بج کر چھتیس منٹ پر سبی اور اس کے اطراف میں زلزلے کے جھٹکےمحسوس کیے گئے۔زلزلے کی شدت 3.5 اورگہرائی 23 کلومیٹر ریکارڈ کی گئی جبکہ مرکز سبی سے 58 کلومیٹر دور جنوب مشرق میں تھا۔
زلزلہ پیما مرکز کے مطابق بلوچستان کے ضلع خضدار اور اطراف میں بھی بارہ بج کر انسٹھ منٹ پر زلزلے کے جھٹکے محسوس کیے گئے۔زلزلے کے شدت 3.6 اور گہرائی 25 کلو میٹر ریکارڈ کی گئی۔زلزلےکا مرکز خضدار سے 90 کلومیٹر دور جنوب میں تھا۔
زلزلے کے نتیجے مین کسی بھی قسم کے جانی اور مالی نقصانات کی اطلاعات موصول نہیں ہوئی۔
