مصر کے وزیر خارجہ 2 روزہ سرکاری دورے پر اسلام آباد پہنچ گئے، بدر احمد عبدالعاطی نائب وزیراعظم اسحاق ڈار کی دعوت پر پاکستان کے سرکاری دورہ پر آئے ہیں ۔
اسلام آباد: اسلام آباد پہنچنے پر وزارت خارجہ کے اعلیٰ حکام نے معزز مہمان کا استقبال کیا، مصری وزیر خارجہ بدر احمد عبدالعاطی نائب وزیراعظم اسحاق ڈار کی دعوت پر پاکستان کا دورہ کر رہے ہیں ۔
مصری وزیرخارجہ کے دورہ کے دوران پاکستان اور مصر کے درمیان سیاسی، اقتصادی، معاشی اور دفاعی تعاون پر بات چیت ہوگی ۔
بدر احمد عبدالعاطی اپنے پاکستانی ہم منصب اور نائب وزیراعظم اسحاق ڈار سے مذاکرات کے بعد مشترکہ پریس کانفرنس سے خطاب کریں گے ۔
مصری وزیر خارجہ دیگر اہم سیاسی حکام سے بھی ملاقاتیں کریں گے ۔
