قطر کے راس لفان ایل این جی کمپلیکس میں دھماکہ ہوا ہے جس کے نتیجے میں 13 افراد جاں بحق اور 66 شدیدزخمی ہو گئے،قطر کی وزارت توانائی کے مطابق دھماکہ اس وقت پیش آیا جب مارچ میں ایرانی حملے کے بعد بند کی گئی تنصیبات کو دوبارہ فعال کیا جا رہا تھا ۔
دوحہ: قطر کی وزارتِ توانائی کے وزیر سعد شریدہ الکعبی کے مطابق دھماکے میں 13 افراد جاں بحق اور 66 زخمی ہوئے ہیں، دھماکے سے پلانٹ کی برآمدی صلاحیت متاثر نہیں ہوئی اور نہ ہی ماحولیات کو کوئی خطرہ لاحق ہے ۔
قطر کے وزیر توانائی نے مزید بتایا کہ ہمارے 13 افراد جان کی بازی ہار گئے، جن کا تعلق بھارت اور پاکستان سے ہے، 66 افراد زخمی ہوئے ہیں جن کا علاج اور واقعے کی تحقیقات جاری ہیں‘۔
وزیر توانائی کا کہنا ہے کہ دھماکہ پلانٹ کے کس حصے میں ہوا یا نقصان کی نوعیت کیا ہے، اس حوالے سے واقعے کی تحقیقات شروع کر دی گئی ہیں ۔
