زیارت: فرنٹیئر کور بلوچستان کے سینئر افسران کی زیارت میں دہشت گردوں کے بزدلانہ حملے میں شہید بہادر اہلکاروں کے لواحقین سے ملاقات کی۔
ایف سی کے سینئر افسران نے زیارت میں دہشت گردوں کا بزدلانہ حملہ ناکام بنانے والے شہداء کی قربانیوں کو زبردست خراج عقیدت پیش کیا۔
افسران نے شہدا کی قبروں پر حاضری دی ، پھولوں کی چادریں چڑھائیں اور فاتحہ خوانی کی۔
ایف سی افسران نے شہدا کے اہلخانہ سے خصوصی ملاقاتیں کیں اور ہرممکن تعاون کی یقین دہانی بھی کرائی۔
ملاقات کےموقع پر ایف سی حکام نے اس عزم کا اظہار کیاکہ ملکی سلامتی کیلئے جانوں کے نذرانہ پیش کرنے والے پولیس کے بہادرجوانوں کاخون رائیگاں نہیں جائیگا۔
زیارت میں پولیس کے 27 اہلکاروں نے دہشت گردوں کاجوانمردی سےمقابلہ کرتے ہوئے جامِ شہادت نوش کیا تھا۔
سکیورٹی فورسز ملک سے فتنہ الخوارج اور فتنہ الہندوستان کے آخری دہشت گرد کے خاتمہ تک پرعزم ہیں۔
