صدر مملکت آصف علی زرداری نے فیلڈ مارشل سید عاصم منیر کی بطور چیف آف ڈیفنس فورسز تقرری کی منظوری دیدی، اس حوالے سے ایوان صدر نے اعلامیہ بھی جاری کردیا ۔
اسلام آباد: وزیراعظم شہباز شریف کی جانب سے منظور کی گئی سمری کو ایوان صدر حتمی منظوری کیلئے بھیجی گئی تھی ۔
اعلامیے کے مطابق صدرر مملکت نے فیلڈ مارشل سید عاصم منیر کی بطور چیف آف ڈیفنس فورسز تقرری کی منظوری دیدی، اس حوالے سے ایوان صدر نے اعلامیہ بھی جاری کردیا ۔
نوٹی فکیشن کے مطابق چیف آف ڈیفنس کے عہدے کی تعیناتی 5 سال کے لیے ہے، فیلڈ مارشل سید عاصم منیر ملک کے پہلے چیف آف ڈیفنس فورسز ہوں گے ۔
اعلامیہ میں مزید کہا گیا ہے کہ چیف آف ایئر سٹاف، ائیر چیف مارشل ظہیر احمد بابر سدھو کی مدت ملازمت میں بھی دو سال کی توسیع کی منظوری دے دی ہے ۔
اس توسیع کا اطلاق ان کی موجودہ 5 سالہ مدت ملازمت کے مارچ 2026 میں مکمل ہونے پر ہوگا ۔
