کوئٹہ میں جائیداد کے تنازع پر فائرنگ کے نتیجے میں ایک ہی خاندان کے 5 افراد جاں بحق ہوگئے، جاں بحق ہونےو الوں میں باپ، 3 بیٹے اور ایک بیٹی شامل ہیں ۔
کوئٹہ: پولیس حکام کے مطابق صوبائی دارالحکومت کے علاقےچکی شاہوانی میں جائیداد کے تنازع پر فائرنگ کا واقعہ سامنے آیا ہے ۔
پولیس حکام نے بتایا کہ ملزمان نے گھر میں داخل ہوکر اندھا دھند فائرنگ کی جس کے نتیجے میں باپ، اس کے تین بیٹے اور ایک بیٹی موقع پر ہی جاں بحق ہو گئے ۔
افسوسناک واقعے کے خلاف جاں بحق افراد کے لواحقین نے بادینی پل کے قریب احتجاج کیا جس کے باعث ٹریفک معطل ہوگیا جبکہ پولیس حکام نے لواحقین کو ہرممکن تعاون اور قانونی کارروائی کی یقین دہائی کرائی ہے ۔
