وزیر اعظم شہباز شریف ایران کے صدر ابراہیم رئیسی اور وزیر خارجہ حسین امیر عبداللہیان کے افسوسناک انتقال پر تعزیت کے لیے ایران کا دورہ کریں گے جو گزشتہ ہفتے ہیلی کاپٹر کے المناک حادثے میں جاں بحق ہو گئے تھے۔
دفتر خارجہ کی جانب سے آج جاری بیان کے مطابق وزیراعظم کے ہمراہ نائب وزیراعظم اسحاق ڈار اور کابینہ کے دیگر سینئر وزراء بھی ہوں گے۔اپنے دورہ ایران کے دوران وزیراعظم شہباز شریف سپریم لیڈر آیت اللہ علی خامنہ ای سے ملاقات کریں گے اور ساتھ ہی عبوری صدر محمد مخبر سے ملاقات کریں گے اور عوام اور حکومت پاکستان کی جانب سے تعزیت کا اظہار کریں گے۔
یہ دورہ مشرقی آذربائیجان صوبے کے پہاڑوں میں خراب موسم میں ہیلی کاپٹر کے گر کر تباہ ہونے کے بعد رئیسی سمیت دیگر اعلیٰ حکام کی موت کے بعد کیا جارہا ہے۔ ۔وزیر خارجہ حسین امیر عبداللہیان ایران کی سرحد پر ایک ڈیم کی افتتاحی تقریب میں شرکت کے بعد واپس آ رہے تھے کہ اتوار کی سہ پہر شدید دھند کے درمیان پہاڑی علاقے سے پرواز کرتے ہوئے ہیلی کاپٹر گر کر تباہ ہو گیا۔رئیسی، امیرعبداللہیان اور چھ دیگر مسافروں اور عملے کو لے جانے والے ہیلی کاپٹر کا جلتا ہوا ملبہ پیر کے روز ملا۔اس واقعے کے بعد پانچ روزہ سوگ کا اعلان کیا گیا۔دریں اثنا، ایرانی حکام نے منگل کو صدر رئیسی کی نماز جنازہ ادا کی۔
